Stock Market Crash: ઘટાડા સાથે શેરબજારની શરૂઆત, સેન્સેક્સમાં 900 પોઈન્ટનો કડાકો

Stock Market Crash:  શેરબજારમાં સોમવારે સપ્તાહના પહેલા ટ્રેડિંગ દિવસે મોટો ઘટાડો જોવા મળ્યો, જેમાં સેન્સેક્સ અને નિફ્ટી બંન્ને ઇન્ડેક્સમાં ખુલતાની સાથે જ મોટો કડાકો જોવા મળ્યો હતો. ક્રૂડ ઓઇલના ભાવમાં વધારો, યુએસ-ઇરાન શાંતિ પ્રસ્તાવને સફળતા સુધી પહોંચવામાં નિષ્ફળતા સાથે, બજાર પર દબાણ આવ્યું છે.  મિડલ ઈસ્ટમાં તણાવ વચ્ચે ગ્રાહકોને સોનું ખરીદવાથી દૂર રહેવા અને પેટ્રોલ અને ડીઝલ બચાવવા માટે વડાપ્રધાન નરેન્દ્ર મોદીની અપીલના કારણે બજારમાં ડર જોવા મળ્યો હતો. બોમ્બે સ્ટોક એક્સચેન્જનો 30-શેરનો સેન્સેક્સ ઇન્ડેક્સ તેના અગાઉના બંધની તુલનામાં 944 પોઈન્ટના નોંધપાત્ર ઘટાડા સાથે ખુલ્યો, જ્યારે નેશનલ સ્ટોક એક્સચેન્જનો નિફ્ટી ઇન્ડેક્સ પણ શરૂઆતના સમયે 275 પોઈન્ટ ઘટ્યો હતો.