દક્ષિણ ગુજરાતમાં રોકાણનો વરસાદ! સુરત સમિટમાં ₹3,53,306 કરોડના MoU, 2.82 લાખ યુવાનો માટે ખુલશે નોકરીના દ્વાર

Vibrant Gujarat Regional Conference:સુરત ખાતે યોજાયેલી 2 દિવસીય 'વાઇબ્રન્ટ ગુજરાત રિજનલ સમિટ' દક્ષિણ ગુજરાતના આર્થિક વિકાસ માટે એક મોટો માઈલસ્ટોન સાબિત થઈ છે. આ ઐતિહાસિક સમિટમાં કુલ 2,792 જેટલા મેમોરેન્ડમ ઓફ અન્ડરસ્ટેન્ડિંગ (MoU) સાઇન કરવામાં આવ્યા છે, જેના થકી દક્ષિણ ગુજરાતમાં ₹3,53,306 કરોડના જંગી રોકાણની ખાતરી મળી છે. રાજ્ય સરકારના મંત્રી હર્ષ સંઘવીએ આ કાર્યક્રમના સમાપન સમારોહમાં માહિતી આપતા જણાવ્યું હતું કે, આગામી 3 વર્ષમાં આ પ્રોજેક્ટ્સ જમીન પર ઉતરતાની સાથે જ આ વિસ્તારના 2. 82 લાખ યુવાનોને સીધી રોજગારી મળશે.