શું કંગના રાહુલ ગાંધી સાથે લગ્ન કરવા તૈયાર છે? અફવાઓ પર પૂર્ણવિરામ મુકતા કંગનાએ આપ્યું જડબાતોડ નિવેદન

ફેક ન્યૂઝ પર ભડકી કંગના રનૌત: રાહુલ ગાંધી સાથે લગ્નની અફવાઓ પર તોડ્યું મૌન; કહ્યું- ‘રાજકારણમાં મહિલાઓ માટે કોઈ સન્માન જ નથી’ હિમાચલ પ્રદેશના મંડીથી લોકસભા સાંસદ અને બોલિવૂડ અભિનેત્રી કંગના રનૌત હંમેશા પોતાના બેબાક અંદાજ માટે જાણીતી છે. કંગના ગમે તે મુદ્દો હોય, ખુલીને પોતાનો પક્ષ રાખે છે. તાજેતરમાં સોશિયલ મીડિયા પર એક અજીબોગરીબ દાવો કરવામાં આવ્યો હતો કે કંગના રનૌત કોંગ્રેસના નેતા રાહુલ ગાંધી સાથે લગ્ન કરવા તૈયાર છે. આ વાત વાયુવેગે ફેલાતા કંગનાએ સોશિયલ મીડિયા પર આવીને આ વાતોને જડબાતોડ જવાબ આપ્યો છે અને તેને ફેલાવનારાઓને ‘શરમ’ કરવાની સલાહ આપી છે.