સાઈ પલ્લવીની બોલિવૂડમાં નિરાશાજનક એન્ટ્રી? ‘એક દિન’માં અભિનય શાનદાર પણ વાર્તા સાવ નબળી

ફિલ્મ રિવ્યુ: ‘એક દિન’ – જાપાનના બરફમાં થીજી ગયેલી સાઈ પલ્લવીની બોલિવૂડ એન્ટ્રી સુનીલ પાંડે દ્વારા નિર્દેશિત ‘એક દિન’ એક એવી ફિલ્મ છે જે દ્રશ્યોની દ્રષ્ટિએ કોઈ સુંદર ચિત્ર જેવી લાગે છે, પરંતુ વાર્તાના મામલે તે અત્યંત નબળી સાબિત થઈ છે. જાપાનના મનમોહક લોકેશન્સ અને સાઈ પલ્લવીની નિર્દોષતા હોવા છતાં, આ પ્રેમકથામાં તે ‘સ્પાર્ક’ ગાયબ છે જે પ્રેક્ષકોને આખી ફિલ્મ દરમિયાન જકડી રાખે. ફિલ્મની વાર્તા દિનેશ (જુનૈદ ખાન) નામના એક યુવકની છે, જે નોઈડાની એક આઈટી કંપનીમાં કામ કરે છે. દિનેશ સ્વભાવે અત્યંત શાંત અને અંતર્મુખી છે, જેને ઓફિસમાં કોઈ જલ્દી નોટિસ પણ કરતું નથી.