આજથી બદલાયા આ પાંચ મોટા નિયમો; જાણો શું મોંઘું થયું અને શું સસ્તું થયું?

LPG cylinder price drop:દેશમાં આજથી એટલે કે 1 જુલાઈથી સામાન્ય નાગરિકોના રોજિંદા જીવન અને ખિસ્સા પર સીધી અસર કરતા 5 મોટા નિયમોમાં ફેરફાર કરવામાં આવ્યા છે. તેલ કંપનીઓ અને ઓટોમોબાઈલ ઉત્પાદકો દ્વારા લેવાયેલા આ નિર્ણયોના કારણે કેટલીક જરૂરી વસ્તુઓ સસ્તી થઈ છે, જ્યારે કેટલીક સેવાઓ અને ઉત્પાદનો માટે હવે ગ્રાહકોએ વધુ કિંમત ચૂકવવી પડશે. આ નવતર ફેરફારોમાં વાણિજ્યિક LPG ગેસ સિલિન્ડર અને ઇંધણના ભાવમાં ઘટાડો સામેલ છે, જ્યારે કાર કંપનીઓએ ઉત્પાદન ખર્ચ વધવાનું કારણ આપીને ભાવમાં વધારો કર્યો છે. આ ઉપરાંત, આધાર કાર્ડ અપડેટ અને દિલ્હીની નવી EV નીતિ સંબંધિત નિયમો પણ આજથી દેશભરમાં અમલી બન્યા છે.