ઈરાન-અમેરિકા યુદ્ધવિરામથી સામાન્ય માણસને થશે મોટો ફાયદો: ફટાફટ લિસ્ટ બનાવી લો, આ વસ્તુઓ થવા જઈ રહી છે સસ્તી!

ઈરાન અને અમેરિકા વચ્ચે ચાલી રહેલા લાંબા તણાવ અને યુદ્ધ વચ્ચે હવે 14 દિવસના યુદ્ધવિરામની જાહેરાત થઈ છે. આ સમાચારથી માત્ર વૈશ્વિક બજારને જ નહીં, પરંતુ ભારતના સામાન્ય માણસને પણ મોટી રાહત મળવાની આશા જાગી છે. લાંબા સમયથી ચાલી રહેલા આ વિવાદને કારણે આખી દુનિયા મોંઘવારી અને સપ્લાય ચેઈનની સમસ્યાઓનો સામનો કરી રહી હતી. પરંતુ, યુદ્ધવિરામના અહેવાલો આવતાની સાથે જ આંતરરાષ્ટ્રીય બજારમાં ક્રૂડ ઓઈલના (કાચા તેલના) ભાવમાં 13 થી 17 ટકાનો મોટો ઘટાડો નોંધાયો છે.