માર્ક ઝુકરબર્ગનું AI પર ફોકસ વધ્યું: મેટા કંપનીમાંથી 16,000 કર્મચારીઓની છટણીની તૈયારી

Meta Layoffs 2026:ફેસબુક અને ઇન્સ્ટાગ્રામની પેરન્ટ કંપની મેટા (Meta) માં કામ કરતા કર્મચારીઓ માટે માઠા સમાચાર સામે આવ્યા છે. રિપોર્ટ્સ મુજબ, કંપનીના માલિક માર્ક ઝુકરબર્ગ હવે આર્ટિફિશિયલ ઇન્ટેલિજન્સ (AI) પર પોતાનું પૂરું ધ્યાન કેન્દ્રિત કરી રહ્યા છે, જેના કારણે કંપનીમાં મોટા પાયે 16,000 જેટલા કર્મચારીઓની છટણી કરવાની તૈયારી ચાલી રહી છે. 2026 ના આવનારા મહિનાઓમાં આ છટણીનો દોર શરૂ થશે. જાણવા મળી રહ્યું છે કે 20 મેથી શરૂ થતા પહેલા રાઉન્ડમાં જ આશરે 8,000 લોકોની નોકરી જઈ શકે છે.