મોબાઈલ નંબરની જેમ હવે બેંક એકાઉન્ટ નંબર પણ થશે પોર્ટ! RBI લાવી રહ્યું છે ક્રાંતિકારી સિસ્ટમ

જો તમે તમારી વર્તમાન બેંકની સર્વિસથી નાખુશ છો અને બેંક બદલવા માંગો છો, પરંતુ બધી જ જગ્યાએ એકાઉન્ટ નંબર બદલવાની લાંબી કાગળની ઝંઝટથી ડરો છો? તો રિઝર્વ બેંક ઓફ ઇન્ડિયા (RBI) તમારા માટે એક મોટા અને રાહતના સમાચાર લાવી રહી છે. મોબાઈલ નંબર પોર્ટ કરવાની જેમ જ, હવે બેંક બદલવાનું પણ સાવ સરળ બની જશે. RBI એક એવી નવી સિસ્ટમ પર કામ કરી રહી છે, જેનાથી ગ્રાહકો બેંક બદલશે તો પણ તેમનો બેંક એકાઉન્ટ નંબર તો એનો એ જ રહેશે.