પેટ્રોલ અને ડીઝલના ભાવમાં 13 થી 17 રૂપિયાનો વધારો થવો જોઈએ, આ રિપોર્ટે વધારી દીધી ચિંતા!

Petrol Diesel Prices:સામાન્ય માણસ પહેલાથી જ મોંઘવારી અને પેટ્રોલ-ડીઝલના વધતા ભાવથી પરેશાન છે, ત્યાં હવે એક નવા અહેવાલે લોકોની ચિંતામાં વધારો કરી દીધો છે. દેશની જાણીતી બ્રોકરેજ ફર્મ કોટક ઇન્સ્ટિટ્યૂશનલ ઇક્વિટીઝે એક મોટો દાવો કરતા કહ્યું છે કે હાલની પરિસ્થિતિ જોતા દેશમાં પેટ્રોલ અને ડીઝલના ભાવમાં પ્રતિ લિટર 13 થી 17 રૂપિયાનો ધરખમ વધારો કરવાની તાતી જરૂર છે. આંતરરાષ્ટ્રીય બજારમાં ક્રૂડ ઓઇલના વધતા ભાવ અને તેલ કંપનીઓને થઈ રહેલા જંગી નુકસાનને સરભર કરવા માટે હાલનો ભાવ વધારો પૂરતો ન હોવાનું રિપોર્ટમાં જણાવાયું છે. ચાલો સરળ ભાષામાં સમજીએ કે આટલી મોટી માંગ કેમ કરવામાં આવી છે અને જો આમ થશે તો આપણા ખિસ્સા પર તેની કેવી અસર પડશે.