ભારતની પહેલી બુલેટ ટ્રેનનો ફર્સ્ટ લુક વાયરલ! લોકોએ તેને નામ આપ્યું 'ક્વીન ઓફ સ્પીડ'

india bullet train first look:ભારતની સૌથી પહેલી બુલેટ ટ્રેનની લોકો આતુરતાથી રાહ જોઈ રહ્યા છે, ત્યારે સોશિયલ મીડિયા પર તેનો એક ફોટો ભારે વાયરલ થઈ રહ્યો છે. કેસરી અને સફેદ રંગની શાનદાર ડિઝાઇનવાળી આ હાઇ-સ્પીડ ટ્રેનને ઇન્ટરનેટ પર લોકોએ "ક્વીન ઓફ સ્પીડ" (ઝડપની રાણી) એવું નામ આપી દીધું છે. મુંબઈ અને અમદાવાદ વચ્ચે દોડનારી આ ટ્રેન 15 ઓગસ્ટ, 2027 ના રોજ શરૂ થવાની સંભાવના છે, જે આ બંને શહેરો વચ્ચેનું અંતર ઘટાડીને માત્ર 2 કલાક કરી દેશે. વાયરલ થયેલી આ તસવીરમાં ટ્રેનનો લુક એકદમ આધુનિક અને એરોડાયનેમિક દેખાઈ રહ્યો છે.