18 મેના રોજ કંઈક મોટું થવાનું છે! વેલકમ ૩ ને લઈને અક્ષય કુમાર લાવશે ફેન્સ માટે ખાસ સરપ્રાઈઝ

‘વેલકમ ૩’ માટે અક્ષય કુમારની મોટી તૈયારી; ટીઝર તો માત્ર શરૂઆત છે, ૧૮ મેના રોજ કંઈક ધમાકેદાર થવાનું છે! બોલિવૂડમાં કોમેડી ફિલ્મોની વાત નીકળે એટલે વર્ષ ૨૦૦૭માં આવેલી ફિલ્મ ‘વેલકમ’નું નામ લોકોના હોઠ પર આપોઆપ આવી જાય છે. ઉદય ભાઈ, મજનુ ભાઈ અને રાજીવની ત્રિપુટીએ દર્શકોને હસાવી-હસાવીને લોથપોથ કરી દીધા હતા. હવે આ સુપરહિટ કોમેડી ફ્રેન્ચાઈઝીનો ત્રીજો ભાગ એટલે કે ‘વેલકમ ટુ ધ જંગલ’ (Welcome To The Jungle) સિનેમાઘરોમાં ધૂમ મચાવવા માટે સંપૂર્ણ તૈયાર છે.