રણવીર સિંહની ‘ધુરંધર 2’એ રચ્યો ઈતિહાસ, 1117 કરોડ સાથે બની દેશની બીજી સૌથી મોટી ફિલ્મ

બોલિવૂડની પહેલી ફિલ્મ જેણે 33મા દિવસે પણ મચાવ્યો હાહાકાર, ‘ધુરંધર 2’એ ઉડાવ્યા બધાના હોશ બોક્સ ઓફિસ પર અવારનવાર ફિલ્મો આવે છે અને જાય છે, પરંતુ કેટલીક ફિલ્મો એવી હોય છે જે ઇતિહાસ લખવા માટે જ જન્મે છે. આદિત્ય ધરના નિર્દેશનમાં બનેલી અને રણવીર સિંહ સ્ટારર ‘ધુરંધર 2’ (Dhurandhar 2) આજે કંઈક આવું જ કરી રહી છે. ફિલ્મને રિલીઝ થયાને એક મહિનાથી વધુ સમય થઈ ગયો છે, પરંતુ સિનેમાઘરોમાં તેનો દબદબો ઓછો થવાનું નામ નથી લઈ રહ્યો. સામાન્ય રીતે પાંચમા અઠવાડિયા સુધી પહોંચતા-પહોંચતા મોટી બ્લોકબસ્ટર ફિલ્મોની પણ ગતિ ધીમી પડી જતી હોય છે, પરંતુ ‘ધુરંધર 2’ ની રફ્તાર જોઈને તો એમ જ લાગે છે કે આ ફિલ્મ અટકવાની નથી.