શાહરૂખની ‘કિંગ’માં અભિષેક બચ્ચન બનશે ખતરનાક વિલન, સેટ પરથી તસવીરો થઈ વાયરલ

વિલનના રોલમાં ધૂમ મચાવવા તૈયાર અભિષેક બચ્ચન, ‘કિંગ’ના સેટ પરથી ફોટો લીક બોલિવૂડમાં અત્યારે શાહરૂખ ખાનની મોસ્ટ અવેટેડ ફિલ્મ ‘કિંગ’ (King) ને લઈને જબરદસ્ત ચર્ચા છે. ફિલ્મને લઈને ફેન્સમાં જેટલો ઉત્સાહ છે, મેકર્સ માટે તેની ગુપ્તતા જાળવી રાખવી એટલી જ મોટી ચેલેન્જ સાબિત થઈ રહી છે. તાજેતરમાં જ આ ફિલ્મના સેટ પરથી શાહરૂખ અને દીપિકા પાદુકોણની કેટલીક ઝલક સામે આવી હતી, પરંતુ હવે જેણે ઈન્ટરનેટ પર ખળભળાટ મચાવ્યો છે, તે છે અભિષેક બચ્ચન. અભિષેક બચ્ચનની કેટલીક તસવીરો ફિલ્મના સેટ પરથી લીક થઈ ગઈ છે, જેમાં તેનો લૂક એટલો અલગ અને ખતરનાક છે કે ફેન્સના હોશ ઉડી ગયા છે.