હાથમાં ગિટાર અને ડિસ્કો લુક, ‘બંદર’ના ટીઝરે સોશિયલ મીડિયા પર મચાવી ધૂમ!

સાન્યા મલ્હોત્રા અને બોબી દેઓલની જોડી મચાવશે ધમાલ, ‘બંદર’ના ટીઝરમાં જોવા મળી સસ્પેન્સની ઝલક બોલીવુડમાં આજકાલ જો કોઈ એક અભિનેતાનો જાદુ માથે ચઢીને બોલી રહ્યો હોય, તો તે છે ‘લોર્ડ’ બોબી દેઓલ. ‘એનિમલ’ની અપાર સફળતા બાદ બોબી હવે એક એવા અવતારમાં પરત ફરી રહ્યા છે, જેની કલ્પના ભાગ્યે જ કોઈએ કરી હશે. અનુરાગ કશ્યપના નિર્દેશનમાં બનેલી ફિલ્મ ‘બંદર’નું ટીઝર રિલીઝ થઈ ગયું છે, અને તેને જોઈને એ કહેવું ખોટું નહીં હોય કે આ ફિલ્મ વર્ષ 2026ની સૌથી અનોખી અને ચોંકાવનારી ફિલ્મોમાંની એક હશે. ટીઝરની શરૂઆત આપણને સીધી 90ના દાયકાની યાદોમાં લઈ જાય છે.