ગુજરાતમાં વાતાવરણ પલટાશે, આ 5 જિલ્લામાં વીજળીના કડાકા સાથે માવઠાની આગાહી

Gujarat weather update:ગુજરાતમાં હાલ આકરી ગરમી અને કમોસમી વરસાદ એમ બેવડી ઋતુનો અનુભવ થઈ રહ્યો છે. હવામાન વિભાગની નવી આગાહી મુજબ, પાડોશી રાજ્ય રાજસ્થાન તરફ એક નવી સિસ્ટમ સક્રિય થવાથી રાજ્યના વાતાવરણમાં પલટો આવ્યો છે. આ સિસ્ટમની અસરથી દક્ષિણ ગુજરાત અને સૌરાષ્ટ્રના કેટલાક ભાગોમાં વરસાદ પડવાની શક્યતા છે, જ્યારે બીજી તરફ અમદાવાદ સહિત રાજ્યના અન્ય વિસ્તારોમાં કાળઝાળ ગરમીનો પ્રકોપ અને બફારો યથાવત રહેવાની સંભાવના છે. હવામાન વિભાગની વિગતો અનુસાર, દક્ષિણ-પશ્ચિમ રાજસ્થાન ઉપર એક અપર એર સાયક્લોનિક સિસ્ટમ (ચક્રવાતી સિસ્ટમ) સક્રિય થઈ છે.