IMD 2026 રિપોર્ટ: દેશમાં વરસાદની ખેંચ વર્તાઈ શકે છે, જાણો કયા વિસ્તારોમાં સૌથી ઓછો વરસાદ પડશે

Gujarat monsoon 2026 forecast:કાળઝાળ ગરમીથી રાહતની રાહ જોઈ રહેલા લોકો માટે હવામાન વિભાગે ચોમાસાને લઈને એક મોટી આગાહી કરી છે. એક તરફ સારા સમાચાર એ છે કે આ વર્ષે ચોમાસું નિર્ધારિત સમય કરતા થોડું વહેલું એટલે કે 16 મેના રોજ અંદમાનમાં પહોંચી જશે અને ગુજરાતમાં 15 જૂન આસપાસ તેની એન્ટ્રી થઈ જશે. પરંતુ ખેડૂતો માટે ટેન્શન વધારવા વાળા સમાચાર એ છે કે, ભારતીય હવામાન વિભાગ (IMD) ના 2026 ના નવા રિપોર્ટ મુજબ આ વર્ષે અલ નીનોની અસરને કારણે દેશભરમાં વરસાદ સામાન્ય કરતા ઓછો નોંધાય તેવી પૂરેપૂરી શક્યતા છે. હવામાન વિભાગની આગાહી મુજબ, દરિયામાં સાનુકૂળ પરિબળો અને ભેજવાળા પવનો સર્જાતા આ વર્ષે ચોમાસું 18 મેના બદલે 2 દિવસ વહેલું એટલે કે 16 મેના રોજ અંદમાન ટાપુઓ પર બેસી જશે.