મોડી રાત સુધી મોબાઈલ વાપરવાની આદત તમને બનાવી શકે છે ગંભીર બીમારીઓનો શિકાર

૭ કલાકની ઊંઘ છે અનિવાર્ય: તમારી દિનચર્યા સુધારવા માટે અપનાવો આ સરળ બદલાવ. આધુનિક જીવનશૈલીમાં ગેજેટ્સનો ઉપયોગ અનિવાર્ય બની ગયો છે, પરંતુ તેની સીધી અસર આપણા ‘સ્લીપ સાયકલ’ પર પડી રહી છે. આજના સમયમાં સવારના એલાર્મથી લઈને રાતના સોશિયલ મીડિયા સ્ક્રોલિંગ સુધી, આપણું જીવન મોબાઈલ, લેપટોપ અને ટીવીની આસપાસ સીમિત થઈ ગયું છે. ખાસ કરીને ઓફિસમાં કામ કરતા યુવાનો સવારથી સાંજ સુધી કમ્પ્યુટર સ્ક્રીન સામે વિતાવે છે અને કામ પૂરું થયા પછી માનસિક થાક ઉતારવાના બહાને ફરીથી મોબાઈલના વીડિયો કે ચેટિંગમાં વ્યસ્ત થઈ જાય છે.