FIFA વર્લ્ડકપની ફાઇનલ પહેલા મેસ્સી અને યમાલની આ તસવીરની કેમ સૌથી વધુ ચર્ચા થઈ રહી છે?

ફૂટબૉલમાં રમતની મશાલ એક પેઢીના ખેલાડીના હાથમાંથી બીજી પેઢીના ખેલાડીને સોંપવાની ચર્ચા અનેક વખત થાય છે, પણ એ બે પેઢીઓના ખેલાડીઓ મેદાન પર એકમેકના પ્રતિસ્પર્ધી બને તેવું ભાગ્યે જ બને છે. 19 વર્ષીય સ્પેનિશ સ્ટાર લામિન યમાલ અને આર્જેન્ટિનાના મહાન ફૂટબૉલર લિયોનેલ મેસ્સી વિશે હાલ આવી જ ચર્ચા ચાલી રહી છે. બાર્સેલોનામાં લગભગ બે દાયકા પહેલાં યોજાયેલા એક સખાવતી કાર્યક્રમમાં 20 વર્ષીય મેસીએ છ મહિનાના બાળકને હાથમાં તેડ્યું હોય તેવો ફોટોગ્રાફ ક્લિક કરવામાં આવ્યો હતો. એ સમયે કોઈને ખ્યાલ પણ નહોતો કે તે બાળક ભવિષ્યમાં વિશ્વના સૌથી ચર્ચિત ફૂટબૉલર્સ પૈકીનો એક બનશે.