નાની છોકરીઓ માટે મોટો ખતરો બની રહ્યું છે સોશિયલ મીડિયા! નવા રિપોર્ટમાં મોટો ખુલાસો

Social Media:વિશ્વભરમાં સોશિયલ મીડિયાના ઝડપથી વધી રહેલા ઉપયોગ અંગે અગાઉ પણ અનેક સવાલો ઉઠતા રહ્યા છે, પરંતુ World Happiness Report 2026 એ હવે આ ચિંતાને વધુ ગંભીર બનાવી દીધી છે. આ રિપોર્ટ અનુસાર, બાળકો અને કિશોરોમાં સોશિયલ મીડિયાનો વધુ પડતો ઉપયોગ તેમની માનસિક સ્થિતિ પર ઊંડી અસર કરી રહ્યો છે. જેના કારણે ચિંતા (Anxiety), ડિપ્રેશન અને જીવન પ્રત્યેના સંતોષમાં ઘટાડો જેવી સમસ્યાઓ ઝડપથી વધી રહી છે. વધુ સમય ઓનલાઇન વિતાવવો બની રહ્યો છે ખતરો રિપોર્ટ જણાવે છે કે છેલ્લા કેટલાક વર્ષોમાં કિશોરોનો સ્ક્રીન ટાઈમ ઘણો વધ્યો છે અને તેની સાથે તેમના માનસિક સ્વાસ્થ્યમાં ઘટાડો પણ જોવા મળ્યો છે.