યુદ્ધની માઠી અસર: પેટ્રોલ બાદ હવે સ્માર્ટફોન પણ થશે મોંઘા, જાણો તમારા ખિસ્સા પર શું થશે અસર?

અત્યાર સુધી આપણે જોયું છે કે મિડલ ઈસ્ટ (મધ્ય પૂર્વ) માં ચાલતા યુદ્ધ અને તણાવની અસર માત્ર ક્રૂડ ઓઈલ, પેટ્રોલ અને ગેસના ભાવ પર જ પડતી હતી. પરંતુ હવે આ યુદ્ધની આગ ધીમે ધીમે ટેક્નોલોજીની દુનિયા સુધી પહોંચી ગઈ છે. આગામી સમયમાં તમારે તમારા મનપસંદ સ્માર્ટફોન, લેપટોપ કે અન્ય ઈલેક્ટ્રોનિક ગેજેટ્સ ખરીદવા માટે વધારે ખિસ્સા ખાલી કરવા પડી શકે છે. સેમિકન્ડક્ટર ચિપ બનાવવા માટે જરૂરી અગત્યનો કાચો માલ મધ્ય પૂર્વના દેશોમાંથી આવે છે, અને ત્યાંની અશાંતિના કારણે સપ્લાય ખોરવાઈ રહ્યો છે.