અમેરિકાની આઝાદીનાં 250 વર્ષ : એ ચિત્ર જેણે બ્રિટિશ સામ્રાજ્ય સામે બગાવત ફૂંકી
By BBC GujaratiJuly 16, 2026 at 12:00 AM0 views
Photo: BBC Gujarati
AI મુખ્ય હાઇલાઇટ્સ
- માર્ચ 5, 1770ના રોજ બૉસ્ટનમાં બ્રિટિશ સૈનિકો દ્વારા પાંચ અમેરિકન નાગરિકોની હત્યા કરવામાં આવી, જેને 'બૉસ્ટન હત્યાકાંડ' તરીકે ઓળખવામાં આવે છે.
- આ ઘટના અમેરિકન સ્વતંત્રતા સંગ્રામ માટે એક મહત્ત્વપૂર્ણ ઉત્પ્રેરક બની.
- આ હત્યાકાંડ પછી, પ્રસિદ્ધ સોની અને દેશભક્ત પૉલ રેવિયરે તાંબાની તકતી પર એક કોતરણી બનાવી, જેનું શીર્ષક 'ધ બ્લડી મેસેકર પર્પેટ્રેટેડ ઇન કિંગ સ્ટ્રીટ, બૉસ્ટન ઑન માર્ચ 5, 1770' હતું.
- આ ચિત્રણમાં, રેવિયરે બ્રિટિશ સૈનિકોને ક્રમબદ્ધ રીતે ગોઠવીને નિર્દોષ અને નિઃશસ્ત્ર નાગરિકો પર ગોળીબાર કરતા દર્શાવ્યા હતા, જ્યારે વાસ્તવિકતામાં ટોળાએ સૈનિકો પર બરફના ગોળા અને અન્ય વસ્તુઓ ફેંકીને ઉશ્કેર્યા હતા.
- આ કોતરણી, જે પ્રચારનું એક શક્તિશાળી અને કદાચ સૌથી અસરકારક ઉદાહરણ બની, તેણે બ્રિટિશ શાસન સામે લોકોનો ગુસ્સો ભડકાવ્યો અને વસાહતીઓને એકજૂટ કર્યા.
1770ના બૉસ્ટન હત્યાકાંડ વિશે પૉલ રેવિયર દ્વારા કરવામાં આવેલા લોહિયાળ ચિત્રણથી બ્રિટિશ શાસન સામેનો લોકોનો આક્રોશ ભભૂકી ઊઠ્યો હતો અને આ સાથે તે અમેરિકન ઇતિહાસમાં પ્રચારનું સંભવતઃ સૌથી અસરકારક ઉદાહરણ બની ગયું. પાંચમી માર્ચ, 1770ની સાંજે મૅસેચ્યુસેટ્સના બૉસ્ટનમાં જમીન ઉપર બરફની ચાદર છવાઈ ગઈ હતી. એક બ્રિટિશ પહેરેગીર કસ્ટમ હાઉસની રક્ષા કરતો ઊભો હતો. તેના બહાર નીકળી રહેલા ઉચ્છવાસ ગાત્રો થીજાવી દેતી ઠંડીમાં સફેદ ધુમ્મસનાં નાનાં વાદળો રચી રહ્યા હતા.
Was this story interesting?
