5,500 પરમાણુ બોમ્બ! 44.4 ટન પ્લુટોનિયમનો ભંડાર, ચીનના પાડોશી દેશની પરમાણુ શક્તિથી જિનપિંગના શ્વાસ અધ્ધર થયા?

દુનિયામાં જ્યારે ઈરાનના પરમાણુ ઠેકાણાઓ પર હુમલાની ચર્ચાઓ ચાલી રહી છે, ત્યારે ચીની મીડિયાએ એક ચોંકાવનારો દાવો કરીને ખળભળાટ મચાવી દીધો છે. ચીનના સત્તાવાર લશ્કરી અખબાર 'PLA ડેઈલી'ના અહેવાલ મુજબ, એશિયાનો વિકસિત દેશ જાપાન અત્યારે રશિયા અને અમેરિકા કરતા પણ મોટી પરમાણુ શક્તિ બનવાની દિશામાં આગળ વધી રહ્યો છે. ચીની મીડિયાનો આરોપ છે કે જાપાન પાસે પ્લુટોનિયમનો એટલો મોટો ભંડાર છે કે તે ધારશે તો બહુ ઓછા સમયમાં વિશ્વની સૌથી મોટી ન્યુક્લિયર તાકાત બની જશે. આ વાતને લઈને પાડોશી દેશ ચીન અને તેના રાષ્ટ્રપતિ શી જિનપિંગમાં ભારે ફફડાટ જોવા મળી રહ્યો છે.