’અત્યારે સસ્તા પેટ્રોલની મજા માણી લો, ટૂંક સમયમાં ભડકો થશે!’ ઈરાને ચીન જેવો દાવ રમ્યો, હવે ટ્રમ્પ શું કરશે?

અમેરિકા અને ઈરાન વચ્ચે છેલ્લા 6 અઠવાડિયાથી ચાલી રહેલો તણાવ ભલે અત્યારે થોડો શાંત દેખાતો હોય, પણ કાયમી શાંતિ હજુ દૂર દૂર સુધી દેખાતી નથી. ઈસ્લામાબાદમાં બંને દેશો વચ્ચેની વાતચીત નિષ્ફળ ગયા પછી અમેરિકાના રાષ્ટ્રપતિ ડોનાલ્ડ ટ્રમ્પ અને ઈરાનના નેતા મસૂદ પેઝેશ્કિયાન વચ્ચે ફરી એકવાર ટકરાવ વધી ગયો છે. આ રાજકીય વિવાદ ભલે બે દેશો વચ્ચે હોય, પરંતુ તેની સીધી અને મોટી અસર દુનિયાભરના તેલ બજાર અને સામાન્ય માણસના ખિસ્સા પર પડવાની છે. ટ્રમ્પની ધમકી અને ઈરાનનો ચીન જેવો દાવ ડોનાલ્ડ ટ્રમ્પે ઈરાન પર દબાણ વધારતા ચેતવણી આપી છે કે જો તેઓ હોર્મુઝ સ્ટ્રેટ (દરિયાઈ માર્ગ) નહીં ખોલે તો અમેરિકા ત્યાં નૌકાદળની નાકાબંધી કરશે.