પાકિસ્તાનની ક્વેટામાં રેલવે ટ્રેક પાસે ભયંકર બ્લાસ્ટ, BLAનું ટ્રેન ઉડાવવાનું કાવતરૂં, 26નાં મોત, 70 ઇજાગ્રસ્ત

Pakistan Train Blast: રવિવારે સવારે પાકિસ્તાનના ક્વેટામાં એક મોટો આતંકવાદી હુમલો થયો જ્યારે બલોચ લિબરેશન આર્મી (BLA) ના માજીદ બ્રિગેડના એક આત્મઘાતી હુમલાખોરે જાફર એક્સપ્રેસ ટ્રેનને નિશાન બનાવી અને એક શક્તિશાળી બોમ્બ વિસ્ફોટ કર્યો. વિસ્ફોટ એટલો શક્તિશાળી હતો કે ટ્રેનનો એક ડબ્બો સંપૂર્ણપણે નાશ પામ્યો. આ હુમલામાં ઓછામાં ઓછા 26 લોકોના મોતની પુષ્ટિ થઈ છે, જ્યારે 70 થી વધુ લોકો ગંભીર રીતે ઘાયલ થયા હોવાના અહેવાલ છે. સુરક્ષા એજન્સીઓએ તેને એક આયોજિત આત્મઘાતી હુમલો ગણાવ્યો છે.