Israel-Dubai flight: 'હીરો છે કેપ્ટન સ્મિત મછાર...',PM મોદીએ વિમાન ક્રેશ થતાં બચાવનારા ગુજરાતી પાઈલટની કરી પ્રશંસા

Israel-Dubai flight:  વડાપ્રધાન નરેન્દ્ર મોદીએ દુબઈથી ઇઝરાયલ જતી ફ્લાયદુબઈની ફ્લાઇટને ક્રેશ થતી બચાવનાર ગુજરાતી કેપ્ટન સ્મિત મછારની બહાદુરીની પ્રશંસા કરી છે. વડાપ્રધાન મોદીએ 'એક્સ' પર એક પોસ્ટમાં કેપ્ટન સ્મિતને "હીરો" ગણાવ્યા અને કહ્યું કે અત્યંત ખતરનાક પરિસ્થિતિઓમાં ગંભીર રીતે ઘાયલ થયા હોવા છતાં તેમણે અન્ય લોકોને બચાવવા માટે પ્રચંડ હિંમત અને અતૂટ નિશ્ચય દર્શાવ્યો હતો. વડાપ્રધાને જણાવ્યું કે તેમની બહાદુરીએ સેંકડો લોકોના જીવ બચાવ્યા અને એક મોટી દુર્ઘટના ટાળી હતી. તેમણે કેપ્ટન સ્મિત પર ગર્વ વ્યક્ત કર્યો અને તેમના ઝડપી સ્વસ્થ થવાની કામના કરી હતી.