'No Kings' આંદોલનથી હચમચી ગયું અમેરિકા; ઈરાન યુદ્ધ વચ્ચે લાખો લોકો ઉતર્યા રસ્તા પર, શું ખતરામાં છે ટ્રમ્પની ખુરશી?

USA No Kings Protest:અમેરિકા અત્યારે બે મોટા મોરચે ઝઝૂમી રહ્યું છે. એક તરફ પશ્ચિમ એશિયામાં ઈરાન સામે ચાલી રહેલા યુદ્ધમાં હજારો લોકોએ જીવ ગુમાવ્યા છે, તો બીજી તરફ દેશની અંદર રાષ્ટ્રપતિ ડોનાલ્ડ ટ્રમ્પની નીતિઓ સામે જનતાનો રોષ રસ્તા પર ફાટી નીકળ્યો છે. શનિવારે અમેરિકાના તમામ 50 રાજ્યોમાં "નો કિંગ્સ" (No Kings) ના બેનર હેઠળ હજારો રેલીઓનું આયોજન કરવામાં આવ્યું હતું. આ આંદોલનનો પડઘો માત્ર અમેરિકા પૂરતો મર્યાદિત રહ્યો નથી, પરંતુ યુરોપ, લેટિન અમેરિકા અને ઓસ્ટ્રેલિયામાં પણ લોકો વિરોધ કરવા રસ્તા પર ઉતર્યા હતા.