ટ્રમ્પે ઈરાન સામેનો યુદ્ધવિરામ કેમ લંબાવ્યો, તેની પાછળ તેમની કઈ રણનીતિ છે?

અમેરિકાના રાષ્ટ્રપતિ ડોનાલ્ડ ટ્રમ્પે ઈરાન સાથે અનિશ્ચિત સમય માટે યુદ્ધવિરામ વધારવાનો લીધેલો નિર્ણય, તેમના થોડા કલાકો અગાઉનાં નિવેદનોથી મોટો યૂ-ટર્ન માનવામાં આવે છે. આ ઘોષણા કરતાં થોડા જ કલાકો પહેલાં ટ્રમ્પે સીએનબીસી સાથે વાતચીતમાં કહ્યું હતું કે "મને આશા છે કે અમે (ઈરાન પર) બૉમ્બમારો કરીશું. " આ સાથે જ તેમણે એમ પણ જણાવ્યું હતું કે અમેરિકાની સેના તેના માટે "સંપૂર્ણ રીતે તૈયાર" છે. ટ્રમ્પ આ પહેલાં પણ ઈરાનની અંદરના દરેક પુલ અને પાવર પ્લાન્ટ્સને ઉડાવી દેવાની ધમકી આપી ચૂક્યા છે.