અમેરિકા અને ચીન વચ્ચે વધતી નિકટતા ભારત માટે ચિંતાજનક છે?

છેલ્લાં નવ વર્ષમાં ચીનની મુલાકાત લેનારા ડોનાલ્ડ ટ્રમ્પ પ્રથમ અમેરિકન પ્રમુખ છે. અત્યારે જ્યારે અમેરિકા અને ભારત વચ્ચેના સંબંધો એટલા હૂંફાળા નથી રહ્યા અને અમેરિકા ઈરાન સાથે યુદ્ધમાં ફસાયેલું છે, તે સ્થિતિમાં આ મુલાકાત ગોઠવાઈ છે. બીજી તરફ, ચીન સાથેના ભારતના સંબંધો પણ એટલા વિશ્વાસપાત્ર નથી. ટેરિફને લઈને મહિનાઓ સુધી ચાલેલો તણાવ, વ્યૂહાત્મક હરીફાઈ અને તીખાં નિવેદનો બાદ આ મુલાકાત યોજાઈ છે.