મંડે ટેસ્ટમાં પાસ થઈ ‘ધ વન’! 4 દિવસમાં કમાયા ₹38.85 કરોડ, બની સિદ્ધાર્થ મલ્હોત્રાની 7મી સૌથી મોટી ફિલ્મ

‘ધ વન’ એ ચાર દિવસમાં જ ‘હંસી તો ફંસી’ ને પછાડી! સિદ્ધાર્થ મલ્હોત્રાના બોક્સ ઓફિસનો નવો રેકોર્ડ સિદ્ધાર્થ મલ્હોત્રા અને તમન્ના ભાટિયા સ્ટારર ફેન્ટસી થ્રિલર ‘ધ વન – ફોર્સ ઓફ ધ ફોરેસ્ટ’ (The Vvaan – Force of the Forest) બોક્સ ઓફિસ પર પોતાની મજબૂત પકડ બનાવી રાખવામાં સફળ રહી છે. ઓપનિંગ વીકેન્ડમાં શાનદાર કમાણી કર્યા બાદ આ ફિલ્મે પોતાના પહેલા સોમવારે (Monday Test) પણ શ્રેષ્ઠ પ્રદર્શન કર્યું છે. ‘પંચાયત’ ફેમ ડિરેક્ટર દીપક કુમાર મિશ્રાના નિર્દેશનમાં બનેલી અને ટીવીએફ (TVF) તથા બાલાજી મોશન પિક્ચર્સ દ્વારા સંયુક્ત રીતે પ્રોડ્યુસ કરવામાં આવેલી આ ફિલ્મ દર્શકોને ખૂબ જ પસંદ આવી રહી છે.