વિટામિન A અને ફાઇબરનો ખજાનો: વજન નિયંત્રિત કરવા અને આંતરડા સુધારવા માટે દરરોજ ખાવાનું શરૂ કરો કોળું

આંખોની રોશની અને પાચનતંત્ર માટે સંજીવની સમાન છે આ સસ્તું ફળ: જાણીતા ડાયેટિશિયને જણાવ્યા અદ્ભુત ફાયદા આજના ભાગદોડભર્યા જીવનમાં અનિયમિત ખાનપાન અને સતત સ્ક્રીન સામે રહેવાને કારણે પેટની સમસ્યાઓ તેમજ આંખોનો થાક સામાન્ય બની ગયા છે. આવી સ્થિતિમાં બજારમાં સરળતાથી અને સસ્તા દરે ઉપલબ્ધ કોળું (Pumpkin) શરીર માટે કોઈ અદ્ભુત વરદાનથી કમ નથી. સામાન્ય રીતે માત્ર શાકભાજી કે મોસમી ફળ ગણાતું કોળું પોષણની દ્રષ્ટિએ અત્યંત ધનીક ખોરાક છે. રજિસ્ટર્ડ ડાયેટિશિયન અને ‘ફોર ટ્રેનર્સ’ ના સ્થાપક લોરેન સ્લેટન (MS, RD) ના જણાવ્યા અનુસાર, કોળામાં કેલરીનું પ્રમાણ ખૂબ જ ઓછું હોય છે, પરંતુ તે બીટા કેરોટીન, ફાઇબર અને વિટામિન્સનો ઉત્તમ સ્ત્રોત છે.