CDSCOની ગંભીર ચેતવણી: પેઇનકિલર્સ અને એન્ટિબાયોટિક્સના અતિશય ઉપયોગથી કિડની પર ખતરો

જાતે જ દવા લેવાની આદત બદલી નાખજો! આ ડ્રગ્સે વધાર્યું કિડની ફેલ્યોર અને AMR નું જોખમ સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઇઝેશન (CDSCO) દ્વારા પેઇનકિલર્સ (દર્દ નિવારક દવાઓ) અને એન્ટિબાયોટિક્સના અનિયંત્રિત ઉપયોગ સામે અત્યંત સખત ચેતવણી આપવામાં આવી છે. તાજેતરમાં જારી કરાયેલા એક પરિપત્રમાં એ વાત પર ભાર મૂકવામાં આવ્યો છે કે આ દવાઓનો સતત અને લાંબા સમય સુધી ઉપયોગ કિડનીની ગંભીર બીમારીઓ તેમજ એન્ટિમિક્રોબિયલ રેઝિસ્ટન્સ (AMR) જેવું મોટું જોખમ ઊભું કરી શકે છે. ઔષધ નિયમનકાર સંસ્થાએ ડૉક્ટરો, ફાર્માસિસ્ટો અને હોસ્પિટલો સાથે સામાન્ય જનતાને પણ આ મામલે સાવચેત રહેવા જણાવ્યું છે.