સરકારે મોબાઇલ રિચાર્જના નિયમો બદલી નાંખ્યા: Jio, Airtel, Vi ના ગ્રાહકોને થશે સીધી અસર

trai mobile recharge rules:જો તમે Jio, Airtel કે Vodafone Idea (Vi) ના ગ્રાહક છો, તો તમારા માટે એક ખૂબ જ રાહતરૂપ સમાચાર છે. ટેલિકોમ ક્ષેત્રમાં ગ્રાહકોના હિતને ધ્યાનમાં રાખીને ટેલિકોમ રેગ્યુલેટરી ઓથોરિટી ઓફ ઇન્ડિયા (TRAI) દ્વારા મોબાઇલ રિચાર્જના નિયમોમાં એક મોટો અને સકારાત્મક ફેરફાર કરવામાં આવ્યો છે. આ નવા નિયમોનો મુખ્ય હેતુ એવા પ્રીપેડ વપરાશકર્તાઓને આર્થિક ફાયદો કરાવવાનો છે, જેમને સ્માર્ટફોનમાં ઇન્ટરનેટ ડેટાની ખાસ જરૂર હોતી નથી અને તેઓ માત્ર કોલિંગ તથા સામાન્ય મેસેજિંગ માટે જ ફોનનો ઉપયોગ કરે છે. માત્ર કોલિંગ અને SMS માટે સસ્તા પ્લાન હાલમાં મોટાભાગના રિચાર્જ પ્લાનમાં કોલિંગની સાથે ફરજિયાતપણે ડેટા (ઇન્ટરનેટ) બંડલ કરીને આપવામાં આવે છે, જેના કારણે ગ્રાહકોને પ્લાન મોંઘો પડે છે.