હોર્મુઝમાં જહાજ પર ટોર્પિડો હુમલો: ભારતીય નાવિકનું મોત, 20 ભારતીયો હતા સવાર

Hormuz torpedo attack:ઓમાનના દરિયા કિનારે હોર્મુઝની સામુદ્રધુનીમાં વિદેશી માલવાહક જહાજ પર એક અત્યંત ભયાનક અને જીવલેણ ટોર્પિડો હુમલો થયો હોવાની સત્તાવાર પુષ્ટિ કરવામાં આવી છે. આ ગોઝારા હુમલામાં ભારત માટે એક અત્યંત દુઃખદ સમાચાર સામે આવ્યા છે. ઉત્તર પ્રદેશના દેવરિયા જિલ્લાના વતની અને જહાજ પર નાવિક તરીકે ફરજ બજાવતા સૂરજ યાદવ નામના ભારતીય યુવાનનું આ હુમલામાં કરુણ મોત નીપજ્યું છે. પ્રાપ્ત માહિતી અનુસાર, આ કાર્ગો જહાજ પર કુલ 28 ક્રૂ સભ્યો સવાર હતા, જેમાંથી 20 સભ્યો ભારતીય નાગરિકો હતા.