‘ચહેરો ઢાંક્યા વિના સ્કૂલે જવું પડશે’: ઇટાલીમાં બુરખો અને નકાબ બેન કરવા મોટો પ્રસ્તાવ

Italy school burqa ban:ઇટાલીની જમણેરી વિચારધારા ધરાવતી સરકાર શાળાઓમાં બુરખા અને નકાબ પહેરવા પર પ્રતિબંધ મૂકવાની તેમજ દરેક વર્ગખંડમાં વિદેશી વિદ્યાર્થીઓની સંખ્યા પર મર્યાદા લાદવાની તૈયારી કરી રહી છે. ઇટાલીનાં વડાં પ્રધાન જ્યોર્જિયા મેલોનીએ રવિવારે પોતાની પાર્ટી 'બ્રધર્સ ઑફ ઇટાલી' (Brothers of Italy) દ્વારા આયોજિત એક રાષ્ટ્રીય યુવા કાર્યક્રમ દરમિયાન આ અંગેના સંકેત આપ્યા હતા. ભૂમધ્ય સમુદ્રની મધ્યમાં આવેલું હોવાથી ઇટાલીમાં યુરોપના અન્ય દેશોની સરખામણીમાં સૌથી વધુ સંખ્યામાં સ્થળાંતરિતો (ઇમિગ્રન્ટ્સ) આવે છે. આ કારણે ત્યાં સ્થળાંતરનો મુદ્દો હંમેશાં ખૂબ મહત્ત્વનો અને પડકારજનક રહ્યો છે.