ટ્રમ્પ અને શી જિનપિંગ મુલાકાત બાદ અમેરિકા-ચીને પાડ્યો મોટો ખેલ! ભારત પર શું થશે અસર?

us china trade deal:વિશ્વની બે સૌથી મોટી આર્થિક મહાસત્તાઓ - અમેરિકા અને ચીન વચ્ચે લાંબા સમયથી ચાલી રહેલા વેપાર યુદ્ધમાં એક મોટો વળાંક આવ્યો છે. વોશિંગ્ટનમાં અમેરિકન રાષ્ટ્રપતિ ડોનાલ્ડ ટ્રમ્પ અને ચીની રાષ્ટ્રપતિ શી જિનપિંગ વચ્ચે યોજાયેલી મહત્વપૂર્ણ શિખર મંત્રણા બાદ, બંને દેશોએ 60 અબજ ડોલરના પારસ્પરિક વેપાર પર આયાત ડ્યુટી (ટેરિફ) ઘટાડવાનો ઐતિહાસિક નિર્ણય લીધો છે. આ કરાર હેઠળ બંને દેશો 30 અબજ ડોલર (આશરે 2. 5 લાખ કરોડ રૂપિયા) મૂલ્યના બિન-સંવેદનશીલ માલસામાન પર ટેરિફમાં મોટી રાહત આપશે.